Smój z Ludmilu Budarjowej přezjednaj

Nochcemy „serbska mjeńšina“ być, ale smy serbski lud. Tak předsydka Serbskeho šulskeho towarstwa na Serbskim dnju frakcijow Lěwicy w Choćebuzu praješe. Takrjec připódla, wšako běše tema kubłanska politika. Po tym zo Ludmila Budarjowa znapřećiwjenje z prawniskeho wida žněješe, sym ju wuraznje podpěrał.

Najebać prawnisku rěč njech so politiska rěč na wšědnym žiwjenju orientuje. Smy lud, hač mały, njewěm, w pralěsu je kmjenow ze sto ludźimi, kotřiž su lud. Ludowa skupina tež njejsmy – porno wšelakim tajkim němskim we wukraju. „Mjeńšina“ je hotowy kał, w ducentach wjeskow smy wjetšina ludnosće. Tak jako předsyda kubłanskeho wuběrka Domowiny prajach.

Potajkim: prošu „serbsku mjeńšinu“ hnydom a na wšě časy šmórnyć! Mamy „Załožbu za serbski lud“, nic za serbsku mjeńšinu …

2 Antworten to “Smój z Ludmilu Budarjowej přezjednaj”

  1. Jan Jurij Serbomichl Says:

    Połnje Će podpěruju w předewzaću, šmórnyć zapřijeće „serbska mjeńšina“. Prašenje je jenož, kak chceš tole přesadźić.
    Pohladaj jenož do YouTube, hdźež młoda Rejzka speaking Upper Sorbian:

    Tute widejo woznamjenja Společnost přátel Lužice jako: „Tohle je možná nejlepší video o lužické srbštině, které je na internetu k mání.“
    Njewěm, po kotrych měritkach dóńdźe SPL k swojemu wusudej.
    Znajmjeńša tež Rejzka rěči wo „serbskej mjeńšinje“. Bjez toho, zo by so wo wobsahu słowa „mjeńšina“ přemyslowało, plapotaja wšědnje młodźi a stari Serbja to, štož jim Němcy narěčuja.
    Za Němcow je wězo wo wjele lěpje a wužitniše, rěčeć wo „serbskej mjeńšinje“ hač wo „serbskim ludźe“. Tak je mjenujcy hnydom jasnje, zo njejsu Serbja Němcam runohódni. Su něšto kaž „nabožna mjeńšina“ (Swědkojo Jehowy), „splažna mjeńšina“ (homoseksualni), „zežiwjaca so mjeńšina“ (wegetarianojo) a pod. Hdyž maš čas a lóšt, so z tutymi t. mj. mjeńšinami zaběraš a jim kedźbnosć wěnuješ, ale poprawom su na swěće wažniše wěcy …

  2. Haaraald Says:

    Diktum „narodneje mjeńšiny“ Serbow je powostanka ze stalinistiskeho časa. Poprawom je wjac hač běrdlk lětstotka po přewróće na času jón wotbyć, nic?

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s


%d Bloggern gefällt das: