Archive for Oktober 2018

Maćeršćina

30. Oktober 2018

Napohlad noweho předsydstwa Wojerowskeje župy „Handrij Zejler“ nazornje pokazuje, čehodla naša rěč „maćeršćina“ rěka: Nimo noweho župana – Piwarca – mamy sydom žonow a jednoho muža w župnym předsydstwje 😊. Serbowki su najsylniše nošerki rěče. A připódla prajene: Wojerowska drasta je jara rjana!

Europeada 2020: Mužojo z Delnjeje a žony z Hornjeje Łužicy – Domowina dyrbi rozsudźić

26. Oktober 2018

„Serbske koparje“ z pjatnaće delnjołužiskich wjeskow pochadźeja a chcedźa Serbow na Europeadźe narodnych mjeńšin w smažniku lěta 2020 w Korutanskej zastupować. Srjedu w Choćebuzu na zhromadnym posedźenju prezidija a župneho předsydstwa su angažowani hosćo za to wabili, zo Domowina jich napřećo FUEN jako „narodne mustwo“ serbskeho ludu pomjenuje.

Hladajo na to, zo prawdźepodobnje jenož jedne muske a jedne žónske mustwo pósłać móžemy, maja woni pod předsydu swojeho Domowinje přisłušaceho towarstwa, Horsta Adama, jasny namjet na blidźe: Přichodny raz smy my na rjedźe, dokelž běše „Serbska wubranka“ dotal tři razy na Europeadźe wobdźěleny, ale z jednym jeničkim hrajerjom z Delnjeje Łužicy (Willi Paška), a posledni raz ze žanym. Tohodla sej za přichodnu Europeadu sćěhowace wobzamknjenje zwjazkoweho předsydstwa přeja: Muži z Delnjeje a žony z Hornjeje Łužicy do Korutanskeje, wšako mějachmy hižo 2016 tež žónske mustwo na Europeadźe.

Jězusmarja, što je to do rozsuda za mnje, wšako su so „serbske koparjo“ w Dešnje skonstituowali, hdźež mam tohorunja swójbnych kaž w srjedźnjej a Hornjej Łužicy 😊.

https://m.lr-online.de/lausitz/cottbus/wendische-fussballauswahl-spielt-zum-auftakt-gegen-sorben-elf_aid-4121273

Mjez hosćimi běštaj Paška a trenar mustwa, rodźeny Žylowski, znaty hrajer z NDRskeho časa a pozdźišo trenar módźiny Energie Cottbus:

https://de.m.wikipedia.org/wiki/Horst_Krautzig

W „Serbskej wubrance“ je (hornjo)serbšćina wobchadna rěč. Paška, kiž běše jako šuler jedne lěto w Pólskej, móžeše so dorozumić. Druzy pak njebychu to móhli. Najebać to woni nětko po treningu přeco tež rěč zwučuja (hlej cedlku za wuknjenje), zo ja prajach: Štož w kabinje rěčiće, je mi wšojedne, ale na kopanišću dyrbi to, štož mjez sobu wołaće, serbske być 😎. Dokelž tam so Serbstwo na drasće njepokazuje, ale jeničce na jazyku …

Z tym sym hižo swoje wuměnjenje za „haj“ w jich zmysle prajił. Nimo toho dyrbi po mojim měnjenju wotnětka tež zastupjer Delnich Serbow w organizatoriskim kruhu Domowiny za Europeadu zastupjeny być. Ćežki rozsud to pak budźe, wšako sej angažement Serbskeho Sokoła jara wažu. Derje by było, hdyž by (hornjoserbska) wubranka (delnjoserbskich) koparjow tohorunja na hru přeprosyła.

Sejmikarjo: Škit serbskorěčneho ruma je „rasizm“

24. Oktober 2018

Na přeće serbskeho aktiwista za serbšćinu w zjawnym rumje „Prošu pisaj serbsce, dokelž so wo serbsku skupinu jedna“, sejmikarka-kandidatka za „serbski parlament“ w diskusiji na platformje Knihi wobličow wotmołwješe: „Je to rasistisce.“ Tež druhi sejmikar-kandidat za „serbski parlament“ mi napřećo na samsne wašnje „argumentowaše“: Hdyž na tym wobstejimy, zo je zastupnistwo Serbstwa serbskorěčny rum, „je to rasizm“.

Njewěm, hač dyrbi knjez Dyrlich nětk dalšu němsku zdźělenku w swojim rozdźělowaku přećiwo škaranju blogowarja Piwarca rozpósłać. Wšojedne, njetrjebam jeho so prašeć, wšako tež iniciatiwna skupina (IS) so serbskeho ludu prašała njeje, hač chce wón tón „sejm“ měć. Tute naprašowanje nětkole Kukowske prašaki nachwatuja. Dotalne mjezywuslědki su hižo wjele wuprajace, kaž móžachmy póndźelu na wědomje brać (hlej přinošk w blogu).

Zo bych ja ze „sejmom“ za kubłansku awtonomiju kooperować dyrbjał, je hubjeny žorćik. W srjedźišću kubłanskeje politiki třěšneho zwjazka, Domowiny, steji zdźerženje, skrućenje a dalewuwiwanje rěčnych rumow a nic jich rozpušćenje. Porno „mojim“ wjacerěčnym kurdam ze Syriskeje, kiž maja respekt před serbskorěčnymi rumam, IS to nima. Najskerje dokelž tu ludźo dominuja, kotrymž njeje dotal serbowanje w swójbje wažne dosć było.

Serbowanje w swójbje pak je najwažniši stołp přichodneje eksistency serbskeho ludu. Jadrowy lud to wě. Nimam ničo přećiwo tomu, zo so němcowacy Łužičan jako Serba wuznawa. Ale njeakceptuju, zo chce wón politisce towaršnostny dóńt serbowacych Serbow postajować. Jeli wón to chce, dyrbi najprjedy serbsce nawuknyć. Štóž to w Němskej (!) jako „rasizm“ difamuje, je so na wšě časy za serbsku politiku diskwalifikował.

Bohudźak njebudźe žadyn politiski zamołwity z wolenym pseudo-„sejmom“ wo statnym zrěčenju abo njewěm wo čim jednać, dokelž na wobrazu němskeje zjawnosće wo Serbach je jadrowy lud widźeć. Tež nutřkownoserbsku kooperaciju nimam za předstajomnu: Štóž serbskich prócowarjow rasistow mjenuje, zwonka narodneho diskursa steji. Po mojim wosobinskim měnjenju. Ja so radšo po serbskim rozhłosu mam: Wupuć z načasneho konflikta ze „sejmom“ je: Milan Grojlich budźe serbski kejžor Mirosław I. :

https://www.mdr.de/serbski-program/rozhlos/aktualne-prinoski/audio-860226.html

Dotal połdra procenta za „sejm“

22. Oktober 2018

Lubi serbscy žurnalisća,

prosymy wo wozjewjenje slědowaceje nowinarskeje informacije Kukowskich prašakow:

===============

Prěnje lisćiny pjelnjene

Podpismowa akcija skupiny „Kukowske prašaki“ je wuspěšnje zaběžała. Po jeničkim kóncu tydźenja je wjace hač 200 ludźi w jadrowej kónčinje hornjoserbskeho sydlenskeho ruma swój hłós wotedało. Kaž prašaki wčera wječor zdźělichu, wupraji so wjetšina kritisce wo tuchwilnym planowanym formaće Serbskeho sejma. Jeničce třo su dotal za sejm we wotmyslenej formje hłosowali.

===============

Z přećelnym postrowom
Kukowske prašaki

W serbskim rozhłosu rozmołwa z Kukowskimi prašakami:

https://www.mdr.de/serbski-program/rozhlos/aktualne-prinoski/audio-857676.html

Primitiwna propaganda

19. Oktober 2018

Zo je hórnistwo industrija zańdźenosće, hižo na niskim niwowje propagandy jeho přiwisnikow widźiš: Woni „Łužicu wuraděrować dać nochcedźa“, byrnjez jenož skónčenje wudobywanja brunicy wuraděrowanju Łužicy přez wotbagrowanje zadźěwało.

Wšitcy wo Hambachskim lěsu rěča, dalše pokročowanje zničenja lěsa mjez Běłej Wodu a Trjebinom zjawnosć njezajimuje. Kaž Gundermann tehdom praješe: Rano woni ze zemje bjeru, štož je připołdnju spalene – a to na škodu klimy a zakładow žiwjenja přichodnych generacijow.

Štóž chce so bliže z argumentami pro a kontra zaběrać, njech Serbske Nowiny a druhe medije čita. Hórnicy tež wopačne njepřećelstwo pěstuja. Wina na njewěstosći njejsu ekologojo, ale politikarjo, kotřiž su předołho w strukturnej politice na zastarskej industriji wisali.

Wotmołwa kandidatej „sejma“

18. Oktober 2018

Lieber Martin Schneider,
luby Měrćinje Krawco,

wir werden uns zwar in diesem Leben nicht mehr über das "Sejm"-Projekt einig , da wir aber netten kollegialen Umgang pflegen, erlaube ich mir zu Ihrer Mail folgenden Hinweis:

Bei dem Gremium, für dessen Wahl Sie jetzt werben, handelt es sich um kein "Parlament", sondern, wenn ich jetzt dem Selbstverständnis Ihrer Initiative folge, das wie gesagt nicht meines ist, allenfalls um ein "Vorparlament", d.h. die Gewählten können sich dann gemeinsam darum bemühen, dass sie in Verhandlungen mit Dritten den Stutaus eines künftigen Parlamentes erreichen. Nach Meinung des langjährigen Vizepräsidenten des Sächsischen Verfassungsgerichtshofes, Dr. Jürgen Rühmann, der Ihre Initiative ja längere Zeit unterstützt hatte, wären solche Verhandlungen sinnvollerweise vor Aufruf zu Wahlen für was auch immer zu führen, da nämlich ansonsten, wie jetzt, faktisch lediglich ein Gremium im Auftrag eines Vereines gewählt wird, das weder finanzielle noch gestalterische Kompetenzen hat.

Deshalb wäre es aus Sicht der großen Mehrheit der sorbischsprechenden Sorben der bessere Weg, die Initiative begäbe sich mit ihren Vorstellungen als Verein in den sorbischen Dachverband Domowina, die derzeit die gesetzlich garantierte Vertreterin sorbischer Interessen ist, und wirbt dort basisdemokratisch um eine Mehrheit für ihr Anliegen. Dann hätte sie im Erfolgsfalle tatsächlich die Chance, ein reales "Parlament" wählen zu lassen. Sie selbst hatten auf der Hauptversammlung der Domowina die Gelegenheit genutzt, Ihr Anliegen vorzutragen; insofern finde ich es schade, dass dieser Weg von Seiten der Initiative nicht weiter beschritten wurde.

Wutrobnje strowi
Marcel

Gesendet: Donnerstag, 18. Oktober 2018 um 08:55 Uhr
Von: "Martin Schneider" <schneidersmartin@googlemail.com>
An: Verborgene_Empfaenger:;
Betreff: Bitte um Eure Unterstützung – Meine Kandidatur für den Serbski Sejm >> za Serbski lud – wólba 2018

Liebe Freunde, lubi přećeljo,

wie die meisten von Euch wissen, kandidiere ich für das erste Parlament der Sorben und Wenden – Serbski Sejm. Ich bitte Euch hierfür um Eure Unterstützung. Wenn Ihr Euch selbst als Sorben bzw. verbunden fühlt, wählt mit, um dem Sejm und damit dem sorbischen Volk einen starken politischen Rückenwind zu geben.

In diesem >> Video stelle ich Euch meine Kandidatur kurz vor:

Die weiteren Kandidatenvorstellungen findet Ihr >> hier.

Bis zum 27. Oktober – nur noch wenige Tage – ist Zeit, sich als Wähler für die Briefwahl zu registrieren, am einfachsten >> hier online.

Dann erhaltet Ihr umgehend die Wahlunterlagen, könnt abstimmen und die Unterlagen an den Wahlausschuss zurücksenden. Diese müssen bis 3. November 10 Uhr eingegangen sein.

Ich bitte Euch um Eure Stimme!

Bitte unterstützt die Wahl durch persönliche Ansprache und Weiterleitung dieser Email. Wenn jeder noch einmal 10 wahlberechtigte Freunde, Nachbarn und Kollegen für die Wählerregistrierung gewinnt, wie wäre das?I Und bitte auf rechtzeitige Rücksendung der ausgefüllten Wahlunterlagen drängen!

Ich danke Euch, wutrobny dźak!

Viele Grüße, lubje strowi,

Martin Schneider / Měrćin Krawc

für Rückfragen: 0151-10704799

Im Folgenden und auf der Homepage www.serbski-sejm.de/de/aktuell-de.html findet Ihr bei Interesse weitere Infos, Aktuelles besonders bei Facebook www.facebook.com/serbskisejm

Außerdem findet Ihr einen Spendenaufruf, es sind insgesamt Kosten von ca. 20.000 € für Wahlunterlagen und Öffentlichkeitsarbeit zu decken, alle Arbeit findet rein ehrenamtlich statt.

ODEG: Nowy ćah mjez Wojerecami a Zhorjelcom snadź tež ze serbskim mjenom

16. Oktober 2018

20181016_151935

K finalu wothłosowanja wo přichodnym mjenje noweha ćaha mjez Zhorjelcami a Wojerecami

https://odeg.de/unternehmen/presse/pressemitteilungen/242018/

je blogowar Piwarc předewzaću ODEG prašeni sposrědkował, na kotrejž je Katharina Hoffmann (Senior Referentin Marketing und Kommunikation w Berlinskim běrowje ODEG) hnydom wotmołwiła.

Sće těz serbske resp. dwurěčne namjety za mjeno noweho ćaha dóstali?

„Es gab einen sorbischen Namensvorschlag. Dieser ist leider nicht in die engere Auswahl gekommen.“

Je předwidźane, dobyćerske mjeno hladajo na to, zo słušeja Wojerecy k najwažnišim městnam serbskeho sydlenskeho ruma, hdźež je załožerski dom třěšneho zwjazka Serbow, Domowiny, do serbšćiny přenjesć a ćah runja zjawnym zarjadnišćam w serbskej Łužicy dwurěčnje popisać?

„Wir danken Ihnen vielmals für Ihren sehr wertvollen Hinweis. Eine Übertragung des Siegernamens ins Sorbische steht aktuell zur Diskussion.“

 

Tež tule je serbska zemja

15. Oktober 2018

Njedźelu popołdnju wosrjedź złoteho winowca při Bjerwałdskim jězorje. Na konferency Domowiny w Złym Komorowje wo Serbstwo jako markowe znamjo za dalše wuwiće Łužicy dźěše. Tu w jězorinje, krajinje něhdyšich serbskich wjeskow, nam hišće wjele dźěła do ruki hlada.

Nic technisce, porno kupje na Złokomorowskim jězorje, hdźež su dźiwje swinje zemjerženje wubudźili, je tu zemja na nasynišću po kóncu wudobywanja brunicy derje dosć zhusćena – so nadźijam 😉.Ale to serbske mamy nachwatać – tež k wjeselu wjele čěskich turistow. Potajkim pójće ze serbskimi zarjadowanjemi do noweho kraja!

„Serbski sejm“ je zastupnistwo němskich Łužičanow

14. Oktober 2018

Dźakuju so, waženi sejmikarjo, zo sće ze swojim nawěškom we Wochenkurierje nam ćišćany dopokaz za dawno w Serbach znatu wěrnosć přinjesli: „Serbski sejm“ je wopačny etiket za fiktiwny separatistiski regionalny parlament.

Dokelž je lědma serbskich zajimcow za tón „sejm“, wšako njewěrja, zo je wona iniciatiwa „za serbsku identitu“, sejmikarjo wo Němcow wabja. Woni su prosće namołwjeni, „für die Lausitz“ wothłosować. Tohodla njech je nawěšk němskim zamołwitym politikarjam z dopokazom, zo tu wo zastupnistwo Serbow njeńdźe.

Piwarcec poručenje: Dźensa na Ještěd!

14. Oktober 2018

Pod najmódrišim njebju w złotym winowcu krasnu krajinu a słowjansku lochkosć byća dožiwjeć: wčera z maćerju (85) wot poslednjeho parkowanišća (nic před hosćencom na wjeršku, ale do ample pod poslednim wotrězkom dróhi) 😎 na swójbnym wulěće.

Horjeka dyrbiš drje připołdnju tróšku dočakać, doniž někotre z třista městnow zabrać a jěsć njemóžeš, ale to njewadźi.

Komuž to předołho traje, wonka přikusk kupić móže a potom w słóncu sedźeć. A to wšo je jenož jednu a běrtlk hodźiny wot nas preč. Potajkim wjele wjesela na najwyšej horje našich najlubšich susodow 😊 pola Libereca. To so wšěm generacijam hodźi, měni Piwarc (85 – 30).