Archive for Dezember 2018

Njejsym na šuli serbsce nawuknył 😊

22. Dezember 2018

https://m.lr-online.de/nachrichten/brandenburg/katastrophale-noten-fuer-den-sorbisch-unterricht-in-brandenburg_aid-35032007

A w Sakskej po měnjenju nawodow serbskich institucijow (hlej post dale deleka) tež katastrofalne. Potajkim wukńće online, zdźeržće swójbu jako rěčny rum, tworće bjesady! Doba awtodidaktow so započina 😊.

Bjerće sej serbske dźěći w Berlinje a Lipsku jako přikład. My to zdokonjamy – hdyž woprawdźe chcemy.

Naš delnjoserbski dorost

19. Dezember 2018

Knjeni Komolcyna je Piwarcej něšto pósłała, štož rady cyłej serbskej zjawnosći na wědomje dam – jako hodowny dar z Delnjeje Łužicy 😊.

Serbske inwesticije wšudźe bóle trěbne hač w Budyšinje

18. Dezember 2018

https://m.lr-online.de/lausitz/hoyerswerda/braumann-kaempft-um-sorbische-institution_aid-35182701

Na dźěle do hód

18. Dezember 2018

Žurnalistam krajneje nowinarskeje konferency hodowny postrow pisać, wězo z ruku a wosobinsce, mam dźensa na starosći. Wobraz je nawodnica běrowa mojeho šefa rysowała.

Projekt „Lawske hrjebje“ je wopačny puć

16. Dezember 2018

Planowana wulkoinwesticija Załožby za serbski lud do areala „Lawskich hrjebjow“ w Budyšinje

https://stiftung.sorben.com/hornjoserbsce/archiw/medijowe-wozjewjenja/h-einzelansicht/stejnisco-lawske-hrjebje-a-hospodarski-plan-2019-wobzamknyli/

běše na namjet Piwarca z aktualnej debatu na posedźenju zwjazkoweho předsydstwa Domowiny pjatk wječor w Chrósćicach.

Mój rezimej:

  1. Přihłosuju Mari Michałkowej, předsydce sakskeje serbskeje rady, kiž sej předstajić njemóže, zo zarjad tajkeje małeje załožby tajki hoberski twarski projekt sam zmištruje. Nimo toho njeńdźe po jeje słowach jeničce wo pjenjezy, ale tež wo to, zo budźe załožbowy zarjad lěta dołho z tajkim nadawkom wućeženy a tohodla za druhe wěcki kapacity njezměje. Wona sej fachowu diskusiju wo potencialach wulkoprojekta přeje.
  2. Tohorunja předsydce załožboweje rady, Susann Šenkec, přihłosuju, kiž sej přeje, zo so Budyski wyši měšćanosta wo zjawnu transparencu hladajo na swoju priwatnu ležownosć w tutym wobłuku centruma Sprjewineho města stara. Zdobom wona na přichodne wužadanje skedźbni, zo maja so wšelake regiony bóle hač dotal w planje załožby wotbłyšćować.
  3. Sym wćipny, kak direktor załožby, Jan Budar, z 300.000 eurami inwesticije šěsć milionow eurow spěchowanskich srědkow nawabi (rozpadankow pod pomnikoškitom dla z hornca za wuwiće městow). Tej ličbje je wón na zjawnym posedźenju jako móžny přikład mjenował.
  4. Runja swobodnemu statej Sakskej, kiž so ze strukturnopolitiskich přičin wo to stara, zo njejsu wšě krajne zarjady w stolicy blisko knježerstwa a parlamenta zaměstnjene, ale po cyłym kraju (zarjad z statistiku w Kamjencu, zličbowanski zarjad přichodnje w Döbelnje atd.), mam za prawje a w dobje digitalizacije bjez problemow zwoprawdźujomne, so budźe syć serbskich institucijow w cyłej serbskej Łužicy doma. Tohodla je projekt „Lawske hrjebje“ z mojeho wida kročel do wopačneho směra. Hłowny zaměr załožby je „stabilizowanje a wutwarjenje serbskich rěčnych rumow“, W tutym zmysle na Hošic hasy w Budyšinje potrjebu spóznać njemóžu.
  5. Njech je archiw Serbskeho instituta tež jedyn „pomjatk ludu“. Serbski institut sam pak přewažnje na praktisku pomoc serbskej ludnosći wusměrjeny njeje, ale z prawniskich přičin na zakładne slědźenje po směrnicach němskeje wědomostneje rady etc. Potajkim ma so stat direktnje ze swojeho eteta za wědomosć wo rozrisanje dołhodobnych rumnostnych problemow instituta starać, ale nic serbska załožba.
  6. Sym na wědomje brał, zo dotal ani konkretna potrjeba financow ani časowy plan za dalše wobchadźenje z tutym projektom njepředleži – nimo připrajenja direktora, zo maja so hač do nalěća nitki hromadu plesć. Zdobom zwěsćam, zo ma załožba nětko za Serbsku kulturnu informaciju po Póštowym naměsće a Röhrscheidtowej bašće třeće móžne stejnišćo předwidźane. Tu hižo wo logiku njeńdźe.
  7. Na dróhu solidarity w Serbach so podać njemóžemy, hdyž na jednym boku naša tajna stolica, twjerdźizna wšědneho serbowanja, Chrósćicy při twarje pěstowarnje zjawne srědki za přidatnu potrjebu přez dźěći z wokoliny njedóstanje a załoženske město Domowiny Wojerecy docyła žanu serbsku instituciju nima, ale w Budyšinje so nastajnosći wulce inwestuje. Čehodla? Wojerecy su we wubědźowanju „Rěčam přichilena komuna – serbska rěč je žiwa“ w kategoriji „město“ prěnje městno zabrali – Budyšin ani so wobdźělił njeje.

List nawodow serbskich institucijow Piwarcej

15. Dezember 2018

Z tutym listom (w serbskimaj rěčomaj a němsce) su so Marko Kowar, Marcus Kóńcar, Marka Maćijowa, Lutz Hillmann, Madleńka Šołćic, dr. Beata Brězanowa, dr. Viktor Zakar, dr. Hauke Bartels, Judit Kubicec, Christina Boguszowa, Steffen Krestin, Uta Henšelowa, Jan Budar a Sabina Siegowa na kultusoweju ministrow Sakskeje, Piwarza, a Braniborskeje, knjeni Ernst, wobroćili – z próstwu wo rozmołwu.

Wuslědki wólbow serbskich čłonow załožboweje rady

15. Dezember 2018

W prěnim kole su so wčera wječor na zjawnym posedźenju zwjazkoweho předsydstwa (ZP) Domowiny w Chróšćan „Jednoće“ wolili:

  1. Susann Šenkec z 25 hłosami
  2. Julian Nyča z 21 hłosami
  3. Bjarnat Cyž z 18 hłosami

Na štwórtym městnje běštaj ze samsnej ličbu 9 hłosow dr. Lubina Malinkowa a dr. Daniel J Měrćink.

Wuslědki dalšich kandidatow:

Marko Dźisławk 7, Katharina Jurkowa 6, dr. Jürgen Rühmann 3, Marlis Młynkowa 2, Jakub Žur 1, Robert Maćij 0.

W druhim kole dr. Daniel J. Měrćink 18 hłosow docpě a je z tym jako štwórty rjadny radźićel woleny. Dr. Lubinu Malinkowu 11 čłonow woleše.

W dalšim kole je ZP wo zastupowacych radźićelow rozsudźiło:

  1. Marko Dźisławk 21 hłosow
  2. dr. Lubina Malinkowa 19 hłosow
  3. Katharina Jurkowa 13 hłosow
  4. Marlis Młynkowa 13 hłosow

Prěni naslědnych čłonow załožboweje rady je dr. Jürgen Rühmann z 12 hłosami, wiceprezident sakskeho wustawoweho sudnistwa, kiž je swoje předstajenje w bjezporočnej serbšćinje přednjesł, štož čłonojo ZP w wulkim přikleskom mytowachu.

Jakub Žur měješe 9, Robert Maćij 8 hłosow.

Wšěm kandidatam so za zwólniwosć dźakuju, tute wažne demokratiske wólby z wusahowacym personelnym poskitkom zmóžnjeć. Předsyda Domowiny Dawid Statnik so runja nam wšěm nadźija, zo byšće so dale za Serbstwo a naše rěčne rumy (to běše wčera hłowna tema) angažowali.

Diskriminaciji Wojerec w Serbach wotpomhać!

14. Dezember 2018

https://m.lr-online.de/lausitz/hoyerswerda/domowina-regionalchef-will-sorbische-institution-fuer-hoyerswerda_aid-35108583

W najnowšim Łužiskim Rozhledźe.

Na zjawnym posedźenju ZP w Chrósćicach

13. Dezember 2018

pjatk, 14. hodownika, w „Jednoće“.

Župan Piwarc we Łužiskim Rozhledźe

12. Dezember 2018

https://www.lr-online.de/lausitz/hoyerswerda/mehr-fokus-auf-hoyerswerda_aid-35052519