Archive for the ‘južnoserbski přećel’ Category

Modlće so za Nenadoweho nana

8. Dezember 2009

Nenad je mi zdźělił, zo je jeho nan w centralnej chorowni w Běłohrodźe. Wón ma sydnjenu krej w mozach a wočakuje tohodla dźensa jara strašnu operaciju. Při rozmołwje mojeho co-blogowarja z lěkarjom je so wčera wukopało, zo je Nenadowy nan dwójce infarkt wutroby poćerpjeł, bjez toho zo je wón sam to sobu dóstał. Tež to so nětk negatiwnje wuskutkuje. Njedźiwajcy toho chcemy so nadźijeć dobreho wukónca operacije – a so modlić za Nenadoweho nana.