Archive for the ‘młodźina’ Category

Z Handrijom w načasnych Serbach po puću

11. Januar 2018

Tuchwilu steja štyri powědančka „serbskeje hyperrealistiskeje literatury“ Piwarca w Němskej narodnej bibliotece swobodnje k dispoziciji.

 AKTUALNA KNIŽKA:

 Handrij w dojutrownej turbulency (24 stron)

https://d-nb.info/1150468394/34

Křižer Handrij ze swojej lubej Hanku pod jednej třěchu z přeswědčenym ateistom, jeho tróšku ewangelskej slubjenej a wćipnej pjećlětnjej dźowčičku, rodźenym muslimom a jeho punk-lubku – a z njewočakowanymi wopytami, dwójce policije. Čini to hišće špos? Namakaš jowle jutrowny měr? – Literarna wersija wědomostneho přepytowanja starych a nowych konfliktow.

Handrij a jeho rěčna rewolucija / Handrij mjez wjelkami / Handrij w hodownym chaosu (trilogija – 54 stron)

https://d-nb.info/1149195258/34

Handrij w hodownym chaosu

https://d-nb.info/1148460594/34

Handrijowaj staršej chcetaj swoje mandźelstwo anulować dać. Na to wotmołwi Handrij z njewšědnym wulětom, kotryž mać a nan hižo ženje njezabudźetaj. Připódla ma wón hišće diskusiju ze sejmikarjom wjesć, kopańcu hrać a so wot mjeztym najlěpšeho přećela Ronnyja překwapić dać. A na kóncu sedźitaj z Hanku při fararju …

Handrij mjez wjelkami

https://d-nb.info/1144932513/34

Kak so ći wjedźe, hdyž wječor pozdźe ze sawny stupiš a sy na zahrodźe njejapcy z wjelkom konfrontowany? Tež spodźiwny poskitk inwestora płuwaceje wjeski wužaduje – a pon je tam hišće tuta fejta, hdźež Handrij w srjedźišću třiróžka wotući. Na montaži w Frankobrodźe nad Mohanom dóńdźe k přewrótej. Připódla Handrij a Hanka „dźender“ rozpušćataj.

Handrij a jeho rěčna rewolucija

https://d-nb.info/1144932289/34

Twarski pomocnik a wědomostnica – Handrij a Hanka staj w swojim minidomčku njemylenaj w luboznej harmoniji žiwaj, doniž sej Pětr z krajnoradneho zarjada jeju pomoc přećiwo „módrej žołmje“ nježada. Štož so na Bohatej hasy dorěči, móže Handrij hakle doma zwoprawdźić. Hancyny serbski algoritm skónčnje swojemu lubemu flashmob noweho typa zmóžni.

Ani ćicha ani swjata nóc – punkrock-fever w Nuknicy

25. Dezember 2017

Po tym zo smy zašły měsac pěkni byli, naše talerje zjědli a wulizali a wšudźom pomhali, hdźež bě trjeba, móžemy so nětko zaso nimale lěto dołho přehrěšić.

Čehodla tuž nic hnydom 27. decembra w barace započeć. Wšako rěka to zaso kaž kóžde lěto „Hody nimo – punkrock-fever“. Lětsa wot wječor wosmich skupiny Berzerk, No Waves a Gruppe Stalag zahudźa. Hač twjerdy punkrock abo psychedeliski rock – fanojo alternatiwneje hudźby budu zbožowni.

A štóž chce prosće zaso raz tak prawje swjećić, nó tón tak a tak. Wšako je to Nukničanska barakka.

Što: Hody nimo – punkrock-fever
Štó: Berzerk, No Waves, Gruppe Stalag
Hdy: srjedu, 27.12.2017, w 20 hodź.
Hdźe: Nukničanska baraka

(Piwarc tutu informaciju Měrćina Wjenka dala dawa, so nadźijejo, zo njebudu napoje na wonej feće tajke strašne kaž w jeho hodownej kriminalce . Přeju wšěm wobdźělnikam w Nuknicy wjele wjesela! Mojej wuši njejstej dosć sylnej za tajkile event .)

———-

 

trojjedne powědančko Piwarca

ze šibałym Handrijom

wo rěči, domiznje, mandźelstwje:

 

https://d-nb.info/1149195258/34

 

(wšo dohromady 54 stron, tule

nic jenož na mnohich,

ale za wšěch přistupna zběrka)

 

———-

Handrij I, II a III w jednym zwjazku

20. Dezember 2017

Nětk steja Wam prěnje tři nowele (powědančka) wo Handriju z pjera Piwarca jako zhromadny zwjazk (54 stron) k dispoziciji (hlej pdf-dataju Handrij_I-III). Tež přez link Němskeje narodneje biblioteki přistupny: https://d-nb.info/1149195258/34

Handrij_I-III.pdf

Po wólbach přińdu wjelki – literarne žiwjenje Handrija z pjera Piwarca

28. Oktober 2017

Druhi „mini-roman“ Piwarca w nazymniku wuńdźe. Tajki žanr je přećiwk w sebi a wotpowěduje z tym našemu časej. A štó čita dobrowólnje dlěje hač hodźinku? Wjac za tajku lekturu trjeba njeje. A nic wjac hač 0,99 €.

W druhim kusk tołšim rjedźe porno prěnjemu póńdźe wo wjelki. Hač budźe do toho hižo w realiće prěni Róžeńčan wjelk zatřěleny? Budźemy widźeć. Prěnja knižka, kotraž da so dale tule skazać (po přepokazanju je knižka w běhu jednoho dnja na portalu pod „Meine Texte“ přistupna za download)

http://bestselleridee.de/text_pool_detail.php?id=299#.WeIfyztCRLM

wopisuje puć k swojoraznej wotmołwje – „Handrij a jeho rěčna rewolucija“– na wuslědki wólbow a dalše wobstejnosće we Łužicy.

To je takrjec pospyt live-literatury, literarneje fantazije na pulsu přitomnosće. W srjedźišću steji młody kadla Handrij – wězo scomter swojej přećelku Hanku. Wjele wjesela w serbskej časowej mašinje, kotraž běži najprjedy paralelnje k časej, ale přichodny wotběh je wotewrjeny.

Waše namjety za dalše kročele Handrija w žiwjenju su přeco jara witane, ale hač je přewozmje, njemóžu garantować.

Serb a přichod

1. März 2015

Po tym zo smy so zalońšim w lobby-wuběrku Domowiny z iniciatiwnej skupinu za serbski sejmik wo "wotbrónjenje" prócować započeli, smy bórze pytnyli, zo je "dialog" zdźěla jara ćežke dźeło. Čehodla je to tak?

Jassir Arafat je so z nošerjom měroweho nobeloweho myta stał, po tym zo bu z jeho něhdyšeje teroristiskeho PLO wot UNO připóznate zastupnistwo jeho ludu. Tež Nelson Mandela, dołholětnje zajaty reprezentant sčasami namócneho ANC, bě skónčnje po cyłym swěće symbol měra. A tuchwilu je Abdullah Öcalan ze swojej kurdiskej PKK po kóncu namocy před lětomaj a najnowšej připowědźi přechada k ryzy politiskej organizaciji na samsnym puću. Serbska rozpačenosć je drje jenož wójna z psychiskimi srědkami, kotrež móža pak wjele mocow žrać

Najskerje su přećiwnicy w Serbach přejenacy, přebliscy – samsny problem kaž z wesijemi a osijemi. Wječork z 25 zajimcami w Chrósćicach bě dobry spočatk, stare konflikty w dobrym zmysle "naiwnje" do prašenja stajeć. Bórze wjac k tomu tule. 🙂

Serbski rozhłós wo zarjadowanju w Chrósćicach:
http://www.mdr.de/serbski-program/rozhlos/aktualne-prinoski/audio1104720.html

Přeprošenje na zarjadowanje: „Prawicarsce motiwowana namóc – kak z tym wobchadźamy?”

4. Dezember 2014

Domowina a socialny młodźinski team RCW přeprošatej dnja 12.12.2014 (pjatk za tydźeń) we 18 hodź. na informaciske zarjadowanje “Prawicarsce motiwowana namóc – Kak z tym wobchadźamy?” do młodźinskeho kluba w Chrósćicach.

Přičina su njedawne podawki a nadpady w zwisku ze serbskimi młodźinskimi zarjadowanjemi. Přeprošeni su wosebje młodostni a wšitcy zajimcy.

Na městnje porěča referenća wjacorych organizacijow, tak na přikład towarstwo Augen auf z. t. ze Žitawy a towarstwo RAA – Sakska z. t., kiž mjez druhim wot prawicarskeje namocy potrjechenych poradźuje. Na zetkanju w Chósćicach chcedźa wo móžnosćach prewencije a wobaranja porěčeć.

W ramiku rozmołwy wobsteji móžnosć, so wo prawniskich situacijach a nazhonjenjach wuměnić.

Dawid Statnik
předsyda

Młodźina so z Domowinu zetkała

29. November 2014

Dnja 28.11.2014 zetkachu so młodostni z předsydu Domowiny Dawidom Statnikom a čłonom Zwjazkoweho předsydstwa Domowiny Marcelom Braumanom w Serbskim domje w Budyšinje.

Wuchadźišćo zetkanja běše próstwa młodźinskeje skupiny, kotraž wustupowaše z mjenom „čłonojo serbskich młodźinskich klubow”. W tutej prošachu Domowinu wo wobdźělenje na zarjadowanju 20.11.2014 w Chrósćicach. Tomu zwjazkowe předsydstwo z wjacorych přičin slědować njemóžeše. Na zakładźe toho dorozumichu so młodostni a předsyda Domowiny na zetkanje, zo bychu wo dalšim postupowanju wuradźowali.

We wotewrjenej rozmołwje spytachu wšitcy přitomni trěbne prašenja wuslědźić a kmanu formu postupowanja namakać. Na njej wobdźelichu so ze stron młodźiny Sofija Cyžec, Charlotte Čornakec (wobaj z Njebjelčic) a Jan Wjesela (Radwor). We wuslědku dorozumichu so wšitcy, zo je trjeba, rjad forumow přewjesć a tak młodźinje a zajimowanym kruham wšitke aspekty němskeje a serbskeje politiki wobswětlić.

(Nowinska zdźělenka Domowiny a skupiny młodostnych)

Přispomnjenje Piwarca: Bě woprawdźe jara přijomna atmosfera – rjane pjatkowne popołdnjo!

Domowina a policija organizujetej škit serbskich młodostnych

20. November 2014

BILD_Statnik_Merbitz

Napismo BILD dźensa

Wjace čitaće dźensa we wulkej dobrej rozprawje Sakskich Nowin! Wažny pokiw, tule w blogu wospjetowany: Škit před skućićelemi je nadawk stata, nic priwatnych wotwobaranskich naprawow, kotrež su same chłostajomne!

W Serbskim rozhłosu aktualnje k samsnej tematice:
http://www.mdr.de/serbski-program/rozhlos/powesce/powesce2322.html#anchor1

Biskop Koch pokazuje solidaritu z nadběhowanymi serbskimi młodostnymi

18. November 2014

http://www.katholisch.de/de/katholisch/themen/news/page_news.php?id=43261

Čestnohamtske dźěło w Serbach – jenož hišće kwakla? Forum SN a Domowiny za wšě generacije

12. September 2014

Forum SN-Čestnohamtske dźěło