Archive for the ‘žiwjenski stil’ Category

Prěnje online-powědančko Piwarca přistupne – „Handrij a jeho rěčna rewolucija“

14. Oktober 2017

„Handrij a jeho rěčna rewolucija“ je prěni literarny wustup młodeje kadle z pjera Piwarca. Handrij je dźensa mjez nami žiwy.

Wosoby a jednanja tuteje knihi a jeje naslědowacych su so wězo wólnje wunamakali, kaž so praji. Štóž to njewěri, dokelž přewjele wě, je sam wina.

Poprawom móhł titul „Handrij a Hanka a …“ rěkać móhł. Ale to by za kičojtym romanom klinčało. Wuchadźišćo pak su wólby. A kónc prěnjeje epizody je njesłyšana wotmołwa.

Ta knižka jako lektura za wosebitu hodźinku płaći 0,99 Euro. To budźe tež płaćizna za wšě slědowace epizody z načasneho žiwjenja tutoho kadle z wjeski w Serbach.

Sym, štož praktiske wikowanje z tutym nowym rjadom nastupa, hišće w prěnjej eksperimentelnej fazy . Na druhej platformje nastanje hišće porjadny „wobchod“. Ale prjedy hač budźe druha etapa skutkowanja Handrija zdokonjana, dyrbi prěnja nětkole na najbóle pragmatiskim puću won. Při tym su so diakritiske znamješka w připowědźi tuteje hłupeje platformy skóncowali, štož pak je wšojedne, dokelž tekst je samsny kaž tule horjeka w blogu . A jeničke městno wabjenja za tón produkt je tu w blogu, hewak nihdźe. W knize samej je wězo technisce wšo w porjadku, wšako je to moja dataja .

Přistup k titulej a wurězkam za „woptawanje knihi“ namakaće tu:

http://bestselleridee.de/text_pool_detail.php?id=299#.WeIfyztCRLM

Wjele wjesela při čitanju!

Za tydźeń serbsce nawuknyć – tak budźe Łužica dwurĕčna 😊

2. Oktober 2017

Britiskaj dwójnikaj pokazujetaj nětkole, kak móžeš w běhu tydźenja serbsce nawuknyć.

https://www.deutschlandfunknova.de/beitrag/sprachen-lernen-mit-matthew-und-michael-youlden

Tak móže Łužica skónčnje dwurĕčna bywać 😎. Dotalny model 2plus pomha serbskim dźěćom, w běhu 10-12 lět swoju maćeršćinu wotwuknyč, z wonym nowym modelom sčinimy z Němcow w běhu tydźenja Serbow 😉 (wšako tež tutaj mnohorěčnaj bratraj prajitaj, zo rěka nawuknjenje rěče přiswojenje swójskeho myslenja a začuwanja), a Serbja móža Serbja wostać.

Tež problem z wučerjemi je rozrisany: Najprjedy nochcyše stat hižo dosć wučerjow za mjeńše serbske rjadownje k dispoziciji stajeć. Wotmołwa knjenje Ludmile Budarjoweje a druhich Serbow: Čińće z našimi dźěćimi Teamteaching, za to trjebamy pak dweju wučerjow za rjadownje. Pjatk w SN praješe knjeni Budarjowa, zo tych wučerjow docyła njeje. Potajkim je faktisce wšo preč: serbske rjadownje a Teamteaching.

Němcy bychu prajili: Stunde Null. 2plus na smjećišćo serbskich stawiznow, zrowastanjenje A-rjadownjow a nowotarske modele za přidružnikow kaž tónle jowle na Deutschlandfunk.

Zapłać Bóh Markej Njekej za pokiw! ✌

Mjez Serbami lěpje hač mjez Saksami

20. August 2017

Při temje integracija je mjez Němcami třoch lěhwow: Ludźo, kotrymž je domizna něšto jara wažne, hladaja skeptisce na migrantow. Druzy, kotřiž su bóle kosmopolitisce nastajeni, wjeselu so nad kóždym připućowarjom. A srjedźa su dobri křesćenjo, kotřiž chcedźa prosće jednotliwym čłowjekam pomhać. Z komunikaciju mjez lěhwami klaca.

Zarjadowanje „Mjez Sakskami. Mjez złobami a witanjom“ na přepjelnjenej žurli Serbskeho domu štwórtk wječor běše drje wěcowne a měrniwe – zarjadowarjo Domowina, Serbski institut, nakładnistwo Chr. Links a Heinricha Böllowa załožba „dale myslić“ su hižo zwučenu klawslu přewzali, zo dyrbja znaći nacisća wonka wostać – njejsmy ani krajny rada ani jeho zastupnik 😎. Tak njejsu „ariscy bratřa“ nutř přišli. Ale mi běše diskusija kusk přeharmoniska, běch na horcyše kontrowersy přihotowany.

Na prašenje moderatorki, što sej za přichod Sprjewineho města přejemy, prajach: Přećelne wobličo, ke kotremuž móžemy wšitcy přinošować, zo by Budyšin ludźom wšelakeho pochada a maćeršćiny, kotřiž su tule žiwi, dobra domizna był. My Serbja smy 1.500 lět jowle žiwi a smy tež Němcow mjenje abo bóle integrowali. Chcemy so z našej kompetencu hospodliwosće wo to starać, zo so to z dalšimi migrantami šlachći.

Prototypiski načasny hornjołužiski Serb je horliwy zastupjer domizny, dobry křesćan a słowjanski kosmopolit. To rěka: Porno Němcam su pola nas wšě towaršnostne prudy w kóždej hłójčce. Tohodla njeknježi pola nas tajka agresiwita resp. njekomunikacija mjez wšelakimi pozicijemi. Njech je serbski lud němskemu runje we Łužicy z přikładom 😊.

Na foće wurězk podija (w.l.): Arndt Ginzel, kiž je wo nadpadach na serbskich młodostnych pisał, moderatorka Heike Kleffner, Piwarc jako zastupjer Dawida Statnika, a Matthias Meisner, korespondent Berlinskeho „Tagesspiegel“. Na prózdnym stólcu njesedźeše wyši měšćanosta Alexander Ahrens.

Wubědźowanje wo najrjeńše serbske jutrowne jejko 2017 za dźěći a młodostnych

29. März 2017

WAŽNY POKIW – a připódla, wšako smy wjesoły lud , zabawne widejo k interkulturelnemu njedorozumjenju składnostnje jutrownych jejkow .

 

Wettbewerb2017KinderJugendliche.pdf

Swjaty wótc: Spěšny kónc wudobywanja brunicy! Konkluzije za wěriwych we Łužicy?

18. Juni 2015

Papst_Kohle

(Twitter dźensa)

Prěnja encyklika swjateho stoła wo wobswěće w stawiznach katolskeje cyrkwje:

http://www.berliner-zeitung.de/politik/umwelt-enzyklika-sechs-gruppen–denen-papst-franziskus-auf-die-fuesse-tritt,10808018,30980180.html

Jeho kritika na kritikarjach škita klimy so tež na tajkule poziciju poćahuje:

http://umwelt-panorama.de/news.php?newsid=285549

http://www.faz.net/agenturmeldungen/adhoc/laschet-und-tillich-weiter-gegen-kohle-abgabe-13558005.html

Encyklika „Laudato Si“ němsce:

http://w2.vatican.va/content/francesco/de/encyclicals/documents/papa-francesco_20150524_enciclica-laudato-si.html

Porno tomu chce frakcija CDU w Sakskim krajnym sejmje hišće sto lět brunicu wudobywać:

http://www.cdu-fraktion-sachsen.de/fileadmin/user_upload/content/Pressemitteilungen/150618_Energiepolitik_fuer_Sachsen_CDU-Positionspapier.pdf

BUND z chwalbu za bamža a kritiku za Tilicha:

PM-Papst-Tillich_DG

 

Mopo wo Piwarcu w sejmje :-)

20. Februar 2015

https://mopo24.de/nachrichten/der-duft-des-landtags-4775

Mopo_Print

W ćišćanym wudaću kusk hinak wupadaše.

Poskitk serbskim swójbam: dom z ležownosću w Radworju na předań!

12. Dezember 2014

Poskitk serbskim swójbam:
dom z ležownosću w Radworju na předań!

zakładne daty:
– 1970 twarjeny, 1996 kompletnje saněrowany
– wolijowe tepjenje, wšitkim medijam přizamknjeny
– šěsć stwow (někotre z drjewjanym parketom) a dwě kupjeli na ca. 180 m2 płoniny
– ležownosć: 500 m2
– dwójna garaža, jedna so dotal jako party-rum wužiwaše
– pinca z płokanskej rumnosću
Dom je w jara dobrym stawje, tak zo móže nowy wobsedźer hišće lětsa zaćahnyć.
Kup je bjez prowizije.

kontakt: 0172/351 79 95

Snadź serbsku pomoc politiskej kulturje w Čěskej poskićić? Prezident Zeman na wotpućach

5. November 2014

Čěska ma tradicionalnje tajke něšto kaž kulturne patronatstwo za Serbow w Němskej. Čěski statny prezident Miloš Zeman je dotal bóle z nadpřerěznym konsumom alkoholiskich napojow napadnył, nětkole so wón na swojorazne wašnje jako přećel politiki Putina profiluje.

W njedźelskim wusyłanju zjawno-prawniskeho rozhłosa susodneho kraja šokowaše swójby při radiju z fekalnymi wurazami a wulgarnymi, njehornymi wuprajenjemi najhóršeho razu přećiwo ruskej opoziciskej hudźbnej skupinje Pussy Riot. Njejsym drje fan tutych žonow, dokelž nimam „wuměłske“ wonječesćenje cyrkwje za so hodźacy srědk protesta, ale Zeman je składnostnje dnja chudych dušow wšo negatiwnje přetrjechił.

Snadź móža Serbja načolneho čěskeho politikarja kusk w politiskej kulturje poradźować? 🙂 Jako pomoc kulturnemu patronej? To by so zawěsće tež wjele Čecham lubiło, kotřiž so wot spodźiwneho stila swojeho amtěrowaceho prezidenta tuchwilu cyle optimalnje zastupjeni nječuja. W nowinje samo čitamy, zo hrozy rozhłosej pokuta za wusyłane słowa prezidenta…

Zeman po słowje w originalu:

http://www.prag-aktuell.cz/video/originalton-schwarzer-kanal-staatspraesident-milos-zeman-am-2-november-2014-der-sendung-radiozurnal/04112014-9118

Zjimanje skandaloznych wuwjedźenjow čěskeho prezidenta w němskich medijach:

http://www.taz.de/Praesidentschaft-in-Tschechien/!148896/

W čěskich medijach:

http://www.lidovky.cz/vytrznice-pussy-riot-zeman-mluvi-stejne-jako-kdysi-komuniste-pb5-/zpravy-domov.aspx?c=A141103_153257_ln_domov_ogo

W němskej telewiziji:

http://www.tagesschau.de/ausland/faekalsprache-101.html

Zeman – čěsce a němsce na Wikipediji:

http://cs.wikipedia.org/wiki/Milo%C5%A1_Zeman
http://de.wikipedia.org/wiki/Milo%C5%A1_Zeman

Čestnohamtske dźěło w Serbach – jenož hišće kwakla? Forum SN a Domowiny za wšě generacije

12. September 2014

Forum SN-Čestnohamtske dźěło

Łužiske wuhlady klasiskeje moderny

31. Mai 2014

drjewjany_dom

Pětr je wědźał a w komentarje pisał, zo je wobraz deleka ze Schminkec domu. Tule jako myto přidawk z klasiskeje moderny: W Niskej steji Wachsmannowy dom, blisko njeho namakaš wjele drjewjanych chěžkow z tuteje doby (horjeka). Samo drjewjanu katolsku cyrkej tamle maja. W tutych twarjenjach knježi jara dobra klima…

… w Lubiju. Ale wěsće, hdźe?