Adwentny koncert SLA w Slepom

Z nowinskeje zdźělenki Serbskeho ludoweho ansambla:Chór a smyčkowy orchester Serbskeho ludoweho ansambla pod nawodom Karstena Sprengera přeprošujetej njedźelu, dnja 19. decembra 2010, w 15.00 hodź. k swjatočnemu adwentnemu koncertej do Serbskeho kulturneho centruma Slepo. Dajće so z dohodownymi pěsnjemi, zynkami a basnjemi zwjeselić. Zaklinča mjez druhim twórby Jana Pawoła Nagela, Jana Bulanka, Alfonsa Jancy, Bjarnata Krawca a Jana Cyža. Po programje wjedźe Alena Farkas.

Zastupne lisćiki za 10,- € (předpředań), 12,- € (dnjowa pokładnja) a 8,- € (potuńšene) dóstanjeće w Serbskim ludowym ansamblu (03591 / 358 107), w Serbskim kulturnym centrumje Slepo ( 035773 / 77230) a při dnjowej pokładni.