Přeprošenje na posedźenje Zwjazkoweho předsydstwa Domowiny

Česćene knjenje, česćeni knježa, lube koleginy a kolegojo,

přeprošamy Was wutrobnje na přichodne posedźenje Zwjazkoweho předsydstwa Domowiny. Wone přewjedźe so pod nawodom předsydy Domowiny Dawida Statnika dnja 28. januara, 10 hodź. w Serbskim domje w Budyšinje, Póstowe naměsto 2.

Na dnjowym porjedźe steja mjez druhim:

– aktualny staw wobjednanja strukturnych namjetow po prěnim posedźenju zhromadneje dźěłoweje skupiny Domowiny a Załožby za serbski lud a dalše trěbne naprawy,
– koncept k přichodnemu wužiwanju rumnosćow něhdyšeje „Bjesady“ w Serbskim domje w Budyšinje,
– nošerstwo festiwala dudakow za dźěći a młodostnych, BORDUN, dnja 17.06.2012 w Slepom,
– wutworjenje programoweje komisije Domowiny,
– informacija župy „Jan Arnošt Smoler“ wo swojich předewzaćach w jubilejnym lěće Domowiny a
– schwalenje stejišća Domowiny k naćiskej dalepisanja brunicoweho plana wotkryteje jamy Wochozy.

Zajimcy su na zjawny dźěl posedźenja wutrobnje witani.

Dnjowy porjad zjawneho dźěla wuradźowanja dóstanjeće w přiłoze.

Za naprašowanja žurnalistow:
Werner Sroka, referent Domowiny, tel. 03591 550-104

28.01.2012-TOP -zjawny dzel