Njewšědna wěc to je, zo so najwyši gremij třěšneho zwjazka Serbow z tajkej tematiku zaběra: změna na polu chemiskeje industrije a što to za Łužicu woznamjenja. Wo brunicy smy dosć a nadosć diskutowali. Ale to je něšto woprawdźe inowatiwne. A potom hišće doprědkarske wědomostne wubědźowanje #chemiewende delnjoserbsce zjimane – dopokaz to je za načasny potencial našich serbskich rěčow.
Chemiji so Maximilian Hassatzky hižo jako šuler delnjoserbskeho gymnazija wuspěšnje tež nadregionalnje wěnowaše
https://www.nsg-cottbus.de/blog/entries/2015/02_10_wettbewerbserfolge_im_fach_chemie
Najlěpši maturant lětnika 2015 serbskeho kubłanišća w Choćebuzu
a Lipšćanski student z Dešna je so hižo za swoju wjes
a delnjoserbšćinu w zjwanosći, wosebje tež w cyrkwi
http://www.politische-bildung-brandenburg.de/node/9581
angažował. Dalše internetne hesła jeho dotalneho žiwjenja su kokotałapanje, žnjenski kral, bičwolejbul, couchsurfing (mjezynarodna syć ludźi z darmotnym poskitkom nóclěha). Potajkim serbski hólc z jaknyn čerstwym duchom w sportowskim šwižnym ćěle a z dobrej towaršliwej słowjanskej dušu 😊. Sćělesnjena dialektika zakótwjenja w regionje a wotewrjenosće swětej.
Na swojej stronje w Knize wobličow pokazuje Hassatzky k witanju hrónčko „everything is ging to be fine in the end, if it’s not fine it’s not in the end“ (Oscar Wilde). To je poselstwo eksistencielneho optimizma: Na kóncu budźe wšo dobre; hdyž něšto dobre njeje, wone hišće swój kónc docpěło njeje.
Nowe časy, nowe kwasy. Strukturna změna rěka nětko strukturne wuwiće. Njerěčimy hižo wo pro a kontra nastupajo staru industriju, ale start-up-předewzaćach noweje „zeleneje“ chemije. Zapłać Bóh za tónle směrodajny přinošk, ke kotremuž su so wjacori w čiłej diskusiji słowa jimali. Referentej dźe wosebje wo to, w Choćebuzu srjedźišćo inowacije natwarjeć – zdobom powołansku perspektiwu Łužiskej młodźinje.
17. September 2017 um 15:46 |
Hassatzky je čłon Rady Starostow…
17. September 2017 um 18:06 |
Mi to njewadźi 😊.