Wuslědki 1. serbskeho sympozija w Drježdźanach

http://yourpart.eu/p/stup-dale-DD

Serbski rozhłós wo 1. serbskim sympoziju:
http://www.mdr.de/serbski-program/rozhlos/aktualne-prinoski/audio1104726.html

Čehodla mój nan swoju nowu domiznu Zhorjelc lubuje: woprawdźe „europske město“

To najlěpše w měsće nad Nysu njejsu rjane stare domy, ale nowa němsko-pólska zhromadnosć wšědneho dnja, piše Randolph Braumann w aktualnej "Super-Illu". W přihotach na přinošk je so připódla tež wukopało, zo je přisłušny redaktor w Berlinje swěrny čitar Piwarca. 🙂

imag1656 burst002

imag1657 burst002

Terminy za kónc februara a měrc / přichodne posedźenje zwjazkoweho předsydstwa

02-24 TERMINY za m rc

02-24 Sympozij_sebjezrozumjenje Serbow_Stup-Dale

02-24 Se muzej CB

02-25 Dnjowy porjad ZP Domowiny 7-3-2015

Z EFA do Europy?

So wě, zo móžeš so z EFA do Europy podać, kaž Serbski sejmik po citaće w přinošku SN. Tuta strona (!) z zdźěla "nacionalistiskimi", "separatistiskimi" sobustawami resp. wobsahami – hlej mjez druhim pokiwy w internetnym archiwje "Junge Freiheit" – pak njeje njewotwisna platforma za mjeńšinowu politiku.

Na tutym puću so hinaši puć do Europy pokazuje hač je dotal w Serbach z wašnjom. Štóž tule chodźi, njemóže potom dale njewotwisnje z demokratiskimi stronami w Němskej jednać.

Serbja z migraciskim pozadkom

http://www.mdr.de/serbski-program/rozhlos/aktualne-prinoski/audio1096806.html

Měrćin Wałda ma prawje – wjetši projekt za nowe serbske nalěćo

"Gordiski suk hodźi so jenož přerazyć w zjawnym rozestajenju wo wjetšim projekće, z kotrymž móhła nowa nadźija rosć a my z njej", piše Měrćin Wałda w kónctydźenskim wudaću Serbskich Nowin pod hesłom "Što je defekt někotrych serbskich institucijow?" Prawje wón ma.

Z mojeho wida rěka tón wjetši projekt "zjawny rěčny rum" a je narodnopolitiske herbstwo Chróšćan zběžka. Zo dale a wjac młodostnych samo w Budyšinje w zjawnym rumje mjez sobu serbuje, je wuraz tutoho trenda kaž prěni serbski sympozij a cyła aktiwita stupdalnicow w Drježdźanach.

Trjebamy wjac serbskich diskusijnych kołow a serbskorěčnych zarjadowanjow (z tym tutu pseudodwurěčnosć z tŕomi serbskimi sadami njeměnju), kotrež dadźa nam wšěm aktiwny słowoskład rosć. K tomu móža wšě serbske institucije dźeń a wjac přinošować.

Brunica před 25 lětami – Klětno je zachowane, a Serbstwo tamle?

"Serbski student" z 24.12.1989 – historiski přikład, zo zdźerženje serbskeje zemje awtomatisce přichod serbskeje rěče njerěka, kotraž je tule mjeztym faktisce zašła. Njedźiwajcy toho je wězo rjenje, zo je wjes na starodawnym městnje stejo wostała. Ale tónle přikład pokazuje, zo je tema Serbstwo a brunica w našim času – kompleksna.

Mopo wo Piwarcu w sejmje :-)

https://mopo24.de/nachrichten/der-duft-des-landtags-4775

W ćišćanym wudaću kusk hinak wupadaše.

Wjac móžnosćow Serbam ženje njeběše

Njedawno je zajimawe přeprošenje na prěni serbski sympozij w Drježdźanach dóšło. Dr. Andreas Kluge, předsyda zarjadowarja Stup dale z.t., je k tomu Serbskim Nowinam prajił, „zo je politiska a towaršnostna situacija w Němskej tučasnje přihódna za serbskle naležnosće kaž rědko do toho.“

http://www.stup-dale.org/de/drjezdzanska-protyka/55-serbski-sympozij

Prěni raz w stawiznach sakskeje stolicy eksistuje dźakowano tutomu towarstwu zjawne serbske zažnodźěćace kubłanje:

http://www.stup-dale.org/de/kindergruppen

Rjany přikład to je, zo njeńdźe w našej dobje hižo wo žadanja za antidiskriminaciju a dale a wjac mjeńšinoprawniskimi paragrafami, ale wo dale a zaměrniše wužiwanje wuwiwanskeho potenciala Serbstwa we wotewrjenej demokratiskej towaršnosći. Drježdźany njech su wšudźe! Dokelž smy my wšudźe.

Wochozy II: Kónc přećiwjenjow – brunica škódna abo spomóžna za Serbow?

Hlej aktualne zjimanje MDR k mjezystawej – pozicije ministerskeho prezidenta, Domowiny a druhich…

http://www.mdr.de/nachrichten/nochten-frist100_zc-e9a9d57e_zs-6c4417e7.html