Papa dźensa 80 – Congo Randy je afriski kwěćel dóstał :-)

Mój papa in „reporter na fronće“ ZDF History, po 33. mjeńšinje:
http://www.zdf.de/ZDFmediathek/beitrag/video/2291220/Deutsche-Reporter-an-der-Front?setTime=141.834#/beitrag/video/2291220/Deutsche-Reporter-an-der-Front

Kniha wo žiwjenju nana wušła

Nadpismo kapitla

titulna strona

awtor

zadnja strona wobalki

Link k nakładnistwu w Drježdźanach:

http://www.weltbuch.com/buch/biografie-dokuroman/ach-los-schei%C3%9F-der-hund-drauf/

„Congo-Randy“ – „Medienmacher“ w Zhorjelcu

Lubi přećeljo a znaći w Zhorjelcu a wokolinje w nowej seriji talkshowa „Görlitz spricht“ akademije „Modus vivendi“ Galerije nad Nysu powěda k temje „Die Medienmacher“ štwórtk, 29. žnjenca, 19.30 hodź., tež mój nan jako něhdyši wójnski reporter „stern“. Wón chce so k najnowšim trendam medijow nic jenož w Němskej wuprajić. Štóž změje chwile a lóšt, njech přeprošenje sćěhuje – potom so tamle widźimy! Piwarc, syn „Congo-Randyja“ 🙂

Informacije wo zarjadowanju:

Görlitz_spricht_Medienmacher

Drohotny orginal na swěće perfektnych kopijow

K wosomdźesaćinam je moja mać tónle kwěćel ze Slepjanskimi jutrownymi jejkami dóstała. Wot najnowšeho móžeš sej drje z 3-D-ćišćakom doma wazy a druhe wěcki za domjacnosć wućišćeć dać – a najskerje póńdźe za něšto lět samo nowy handy z ćišćaka. To pak je wšo z kopiju programow, kotrež dadźa so z interneta dele sćahnyć. Fascinowacy techniski swět, kotryž witamy a njewotpokazujemy. To su rjane strony kapitalizma :-).

Njedźiwajcy toho budźe na swěće kopijow woprawdźity original dale a drohotniši. Kóždy kwěćel je jónkrótna kompozicija florista, a kóžde serbske jutrowne jejko je wupłód indiwiduelneje wuměłskeje žiłki tworićelki. Haj, kombinacija rjaneju přirody a wuměłskeje twórby nas najbóle fascinuje. Tajke něšto njebudźeš nihdy nanihdy ćišćeć móc. A tajke twórby su wuraz sylnych stron našeje awtochtoneje kultury w rjanej Łužicy.

Dobrej powěsći wo staršimaj

Mój nan je po – wočiwidnje wuspěšnej – štwórtej operaciji samsneho bjedra dla w dobrym stawje, kaž aktualne foto z kofejownje w chorowni w Rózborku dopokazuje. Wutoru póńdźe wón na rehabilitaciju – do druheho domu kliniki.

Mjeztym so moja mać na swoje wosomdźesaćiny přihotuje – stary jendźelski časnik je zaso w porjadku a na sćěnje mjez bydlenskej a kuchnju wisa. Narodniny budu drje štwórtk, ale wulki swjedźeń hakle sobotu. A potom tež papa na něšto hodźin domoj přińdźe.

Kruty režim w Rózborku :-)

Njedźelu na wopyće při nanje w ortopediskej klinice w Rózborku. Chorobna sotra moju mać wuhladawši k patientej praji: „Rjenje, zo je Waša mandźelska tule, hnydom nožicy přinjesu, zo by wona Wam zady předołhe włosy wottřihać móhła.“ A tak je so po krótkim spjećowanju stało. Mój nan je to dowidźał, wšako je chorobna sotra njedawno přispomniła: „Chcu rjanych patientow měć.“ Sym jeje argumentaciju hišće wudospołnił: „Woni maja tež na to dźiwać, zo so ludźo w ćežkej situaciji hić njedadźa.“

Sedło při Zhorjelcu

Tuchwilny wuhlad mojeje maćerje w chorowni – dźens popołdnju z woknom won fotografowane

Na kermušu w Chrósćicach

Lětsa zažneje zymy dla njezwučeny puć

Nan dyrbi zaso do chorownje

Mój nan je w nowinje připowědźene zarjadowanje w Budyšinje wotprajić dyrbjał. Wón tuchwilu lědma běhać móže a jeho wodnjo a w nocy bolosće trapja. Při přepytowanju je so nětk wukopało, zo implantant kruće njesedźi a tohodla ma so 1. winowca jeho bjedro znowa w ortopediskej klinice w Rózborku operować. Tamle wón hižo loni w lěću přebywaše. To rěka, zo njeje mój nan hižo hač do oktobra na Zhorjelskich dróhach widźeć, dokelž ma doma wostać.

Moja mać wojuje – wjele njeje pomhało :-)

Ale po hrě němskeho mustwa přećiwo Italskej bě tola kónc.

Foto: Peter Chemnitz